.. ؟
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 عودة السبايا

اذهب الى الأسفل 
كاتب الموضوعرسالة
الرادود محمد المهناء
المــديــر العَــام .
المــديــر العَــام .
avatar

المساهمات : 124
تاريخ التسجيل : 19/09/2010

مُساهمةموضوع: عودة السبايا    الثلاثاء سبتمبر 21, 2010 3:17 pm

----------------------
زينب يم كبر عباس بس ما طبت امن الشام
اكعد شوفني بعزمي ومرفوعه يخويه الهام
*********************
اكعد خل اسولفلك ينشمي يبن خير الناس
اجيت ابخطوة الامجاد امشي وماحنيت الراس
متحزمه بورع امي وصبر الا بو يا عباس
اطمنك هيبتي اويايه
منها ارتهبت اعدايه
وعندي للنصر رايه
يخويه رايتي راسك وبيها اتشرف الا سلام
*****************
راسك رايتي وبيها ذليت العدو ذليت
مثل يوم الفرات البيه تسحك عالجثث طبيت
وانه بالفخر والعز حره وبالمجد رديت
اتباها بعضيد حسين
لخيه ضحه بالجفين
والهام وضواها العين
وبهاي الشهامه البيك اختك لاوت الضلام
*********************
الاويهم ابزود البيك وعزمك ياكمر عزمي
يعباس وحياة امك الحره وكسر ضلع امي
يوم الكوفه من طبيت حنوها اركابهم لسمي
وبقصر ابن مرجانه
هنته وهنت سلطانه
بنت خير البشر انه
واخوتي حسين والعباس من عدهم ثلث تنعام
*************************
ثلث تنعام جاوبته بيكم راد يتشمت
بوجهه صحت لولاهم يضالم نعم ما تمت
وشفاعة ها الخلك كلها بيهم نالت وعمت
لولاهم سمه ما صار
يضالم جان طحتوا ابنار
لاجن رحمة الجبار
بينه انجعلت اعليكم يهل الغدر والاثام
*******************
لهل الغدر برض الشام قمه اوكفت منتصره
اليزيد ابن الطليقه هند استصغرته وهنت قدره
ماوديت ارد اعليه لاجن بالكلب جمره
با اشياخك صلف تهتف
واحنه ليكم انشرف
اصلك عجب مانعرف
يبذرة شر ابن سفيان يالعابد وثن واصنام
*******************
خويه امن اليسر جيتك صارن اربعين انهار
فاركتك واريد اوياك اضلن هالمسه خطار
منوايه اسر كلبك ولا احجي الجره والصار
يبو فاضل انه هالجيت
الشمت خدك اشتاكيت
لجني اعتبت من ناديت
يخوتي للضعن كومو ولا منكم سمعني
******************
من كبره يرد عباس بيها ايمرحب اتسمعه
هله يازينب ايكلها هله بنهر الوفه ونبعه
يختي وارد اسلم اعليج بيش اجفوفي متكطعه
من يوم النهر طبيت
بكلبه رايتي خليت
من العذب جودي امليت
جان الامل ارجع ليج لاجن هاالامل مادام
******************************
************************************* كلما تنضر الا راس العباس ع وهوه على الرمح تقول هاذه رايتي راية نصر وتتباها الله اكبر سلام الله عليك يا بطلة كربلاء روحي وارواح العلمين لك الفداء


الا عشاق ابي الفضل العباس ع ومحبيه
اطلبوا حاجاتكم وتوسلوا به الا الله لانه
باب الحوائج

واذكرونا بدعائكم يرحمكم الله

خادم الزهراء الشاعر الحسيني
سيد عدنان الحمامي







آخر تعديل عدنان الحمامي يوم 02-07-07 في 01:54 PM.

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عودة السبايا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أحباب الزهراء عليها السلام الثقافي :: ركن الشاعر عدنان الحمامي .. •-
انتقل الى: