.. ؟
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 تجليبه لليسر الظعن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الرادود محمد المهناء
المــديــر العَــام .
المــديــر العَــام .
avatar

المساهمات : 124
تاريخ التسجيل : 19/09/2010

مُساهمةموضوع: تجليبه لليسر الظعن   الأحد سبتمبر 19, 2010 2:51 pm

------
-----
--- تجليبه

-----

اجيت امن اليسر يحسين بضعوني

گلت بلچن عدل وتشوفك اعيوني

-----------

اتمنيتك عدل وتشاهدك عيني

ونسولف يخويه بينك وبيني

آنه اختك يشمعة بيتي حاچيني

مو بيدي غصب ياخويه مشوني

---------

مشوني يسيره وچنت محميه

وعفت جثتك على التربان مرميه

وراسك عالرمح ويعاين اعليه

ايصدلي ابخيزرانه من يضربوني

---------

يضربوني أمن اگلهم خل اظل يمه

اخويه شلون اعيفه وآنه بنت امه

جسمه اموذر وياهو الذي ايلمه

ولادفان اشوف ايدفنه خلوني

----------

خلوني بحسرتي اعليك والاحزان

للشمات رحنه ابولية العدوان

يتشمتون بيه وهالامل ماچان

عالعباس ابچي من ينشدوني

--------------

ينشدوني ابو فاضل عضيدچ وين

شگلهم والجواب ادموعي من العين

وآنه اعله النهر عفته بلا چفين

لو موجود ما چانو يشتموني

------------

يشتموني وكل شامت يصد ليه

صدگ هذي اخت عباس مسبيه

چم حسره يخويه اللي مضت بيه

اشدهن بالطشت راسك يراووني

---------------

بعد ذاك الهظم والظيم اجي يمك

گلت يم گبرك الگه فاطمه امك

شفت بس الحجر يحسين بيه دمك

من صوَب جبهتك خويه صوبوني

----------------

-----------

--------

------


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تجليبه لليسر الظعن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أحباب الزهراء عليها السلام الثقافي :: ركن الشاعر عدنان الحمامي .. •-
انتقل الى: