.. ؟
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 طريقة اخاف امن اعوفك وفاة السيده فاطمه الزهراء عليها السلام

اذهب الى الأسفل 
كاتب الموضوعرسالة
الرادود محمد المهناء
المــديــر العَــام .
المــديــر العَــام .
avatar

المساهمات : 124
تاريخ التسجيل : 19/09/2010

مُساهمةموضوع: طريقة اخاف امن اعوفك وفاة السيده فاطمه الزهراء عليها السلام   الإثنين سبتمبر 20, 2010 1:20 am

[-----------------------------------------------------

بويه اليالي ----- تبجي اعله حالي ---- وانه بضعتك --- تدري شجرالي
ضلعي اشيجبره ------ لوشفت كسره ---- تبجي اعله حالي
---------------------------------

يهادي الناس عكبك بالمرار وهم ----- وبعيني النهار امن الحزن اضلم
يتيمه واليتم فوك الحزن خيم ------- شسولفلك يبويه خاف تتالم
بويه الماسي ------ شيبت راسي ---- من عدها تنهار --- اجبال الرواسي
ابساعة العصره ----- لوشفت كسره ----- تبجي اعله حالي
----------------------------------------
غبت عني يبويه وغابت احلامي ------ ابدار احزان خلصت بويه ايامي
وكلبي امن المصايب والجفن دامي ----- كثر بيه القهر واشتدة الامي
بجاني دهري --- وشكبره صبري ---- واتجرع الالام --- لوبيه تدري
تجذب الحسره --- لوشفت كسره ---- تبجي اعله حالي
-------------------------------------------------
يبويه من عفتني او ودعت دنياك ----- صعب شفته عليه من رحت فركاك
ليل انهار ابجي امن الهضم وانعاك ----- لوماخذ حياتي من رحت وياك
ريتك تشاهد ---بصبري اجاهد ---- بويه وعدوك ------ يهضمني رايد
وحكي ينكره ---- لوشفت كسره ------ تبجي اعله حالي
----------------------------------------
يبويه اجروح بيه ابيا جرح ابدي ------ احجيلك مصايب لو هضم جبدي
اشاكف بالنوايب من رحت وحدي ------- وسلبوا نحلتي يا بويه من عندي
الحكي يغصبه ----- الماعرف ربه ---- وبت نبي انه --- واشكف الضربه
واعليه جسره ----- لوشفت كسره ------ تبجي اعله حالي
--------------------------------------------
بعدك لاشرع لا لزموا اكتابه ----- الدارك يامحمد داسوا اعتابه
وبنار الضغينه اتلاهبت بابه ------ وصدري من حقدهم ينزف اصوابه
ويوكع جنيني -- - وتشوفه عيني --- والمن اعاتب --- ابدمعي وانيني
كل دمعه جمره ---- لوشفت كسره ----- تبجي اعله حالي
----------------------------------------
مر بيه حزن لا ما تحمله الروح ------- ولاعيسى وموسى ولايحمله نوح
انه بت محمد والصدر مجروح ------ واكبع بالبواجي يالنبي والنوح
دمعه اعله دمعه -- وضيمي اجرعه --- وانه الوديعه --- عدهم امودعه
وبصدري حسره --- لوشفت كسره -----تبجي اعله حالي
------------------------------------------
عدهم ودعتني بويه نكروني --- وحتى امن البواجي اعليك منعوني
وماغير المصايب شافت اعيوني ---- جمر دمعي يبويه ويحرك اجفوني
صبر الصبرته --- ابضلعي جمرته --ايهيج احزاني ----- بويه وحملته
من مثلي صبره --- لوشفت كسره ----- تبجي اعله حالي
=====================
اذكرونا بدعائكم يرحمكم الله
خادم الزهراء
سيد عدنان الحمامي







آخر تعديل عدنان الحمامي يوم 30-06-07 في 10:00 AM.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
طريقة اخاف امن اعوفك وفاة السيده فاطمه الزهراء عليها السلام
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أحباب الزهراء عليها السلام الثقافي :: ركن الشاعر عدنان الحمامي .. •-
انتقل الى: