--------
ام تنعى ولدها الوحيد الذي قتله القناص
الامريكي لعنه الله في
الشارع العام
ليلة امس عند حضر التجوال وبوضح النهار
لاحول ولاقوة الا بالله
العلي العظيم
سمعها تأن وتنوح وتنعى -- يبني يبني
يالوحًيد ييمه لاتعذبني --
الله اكبر هزت مشاعري وبكيت بكاء الثكالى
على حالها
انا لله وانا اليه راجعون فتذكرت هذه القصيده في
حق عريس بني هاشم
القاسم بن الحسن عليه السلام
-------
-----
---
عزيز ابني عليه غيبَوا بدره
هم يرجع بعد وعوينتي اتنظره
-----------
ام جسام آنه اوحيًد العندي
ربيته ابسهر عيني ابتعب چبدي
مسعده بيه چنت لن عافني وحدي
وگلب الام بعد عالولِد شيصبره
-----------
شيصبره الگلب شيصبره لغيابه
وهذا الدار وحشه صارت اعتابه
افرح من يجي اوليدي يدگ بابه
اتلگاه واشم اخدوده المعطره
----------------
امعطره اخدود ابني وريحته طيبه
ها يُمه اگله ايگلي يحبيبه
ادعيله يربي عني لتغيبه
عسى يوم الفگدته لايطر فجره
--------------
فجره لايطر لاصار هالمصباح
من صدري الگلب بيه چن احسن طاح
گالولي عزيزچ راح منچ راح
اصدگ اشلون ظليت اله منتظره
----------------
اتنَطر يجيني وافرح ابملگاه
سلب مني حياتي وعمري راح اوياه
مو وكته يروح اوليدي من دنياه
راح ونار فگده بروحي مستعره
----------------------
مستعره احس النار بظلوعي
الشوفة وجهه زادت حسرتي وروعي
مايطفي الجمر لوسالت ادموعي
والدمعه اعله خدي بيها احس جمره
---------------------
سيد عدنان الحمامي