.. ؟
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 وزن ميمر للسيده رقيه

اذهب الى الأسفل 
كاتب الموضوعرسالة
الرادود محمد المهناء
المــديــر العَــام .
المــديــر العَــام .
avatar

المساهمات : 124
تاريخ التسجيل : 19/09/2010

مُساهمةموضوع: وزن ميمر للسيده رقيه    الإثنين سبتمبر 20, 2010 12:57 pm

واسوني واسوني -- ياشيعه واسوني

بعلة ومصايب مبتلي -- ياشيعه واسوني

--------------------

آنه العليل وگلبي مليان اهموم

بيه الحزن بيه الالم ظل لليوم

بعيني شفت ذبح اخوتي والمظلوم

ابشع فعل راووني اشرار الگوم

بعيوني يعيوني -- ياصوره بعيوني

خيل وترض صدر الولي -- ياشيعه واسوني

--------------------

آنه الذي اجري الدمع ليل انهار

أنه الذي بطف كربله شفت اشصار

نحور اخوتي تنزف دمه والانصار

بالخيمه آنه وخيمتي التهبت نار

حرموني حرموني -- من اهلي حرموني

من ذبحوا احبابي وهلي -- ياشيعه واسوني

------------------------

آنه الذي ظيم احملت بالكوفه

بس جسد روحي امن البدن مخطوفه

شلون احملت عمتي ابحبل مچتوفه

وبالطشت عيني الراس ابويه اتشوفه

رووني راووني -- ياقسوه راووني

بُغضاً ينادون العلي -- ياشيعه واسوني

---------------------

بالكوفه ظل فوگ الرمح راس حسين

عالعايله وايتامه ينظر بالعين

عالهزل للشامت يساره اميسرين

بينه الشماته وعيد همه امعيدين

بچوني بچوني -- دم دمع بچوني

لا ابو لا عم ظل الي -- ياشيعه واسوني

---------------------

لا ابو لا عم لا اخو ايواسيني

ونار الشماته اللي غدة تچويني

ابچي جمر دمعي يهل من عيني

لعمتي اباري لو الي اتباريني

بضعوني بضعوني -- من حدوا بضعوني

همي بعد ماينجلي -- ياشيعه واسوني

--------------------------

همي يلازمني وعشت حزن وهم

وما انسه بالطف من نزف ذاك الدم

والليله عمري بيه احس يتهدم

لمن سره بجسمي يشيعه هالسم

ودعوني ودعوني -- هاليله ودعوني

وصوت البواچي يعتلي -- ياشيعه واسوني


-------------------



سيد عدنان الحمامي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وزن ميمر للسيده رقيه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أحباب الزهراء عليها السلام الثقافي :: ركن الشاعر عدنان الحمامي .. •-
انتقل الى: