.. ؟
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 لوفاة كريم اهل البيت سلام الله عليه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الرادود محمد المهناء
المــديــر العَــام .
المــديــر العَــام .
avatar

المساهمات : 124
تاريخ التسجيل : 19/09/2010

مُساهمةموضوع: لوفاة كريم اهل البيت سلام الله عليه    الثلاثاء سبتمبر 21, 2010 12:38 am

-- بالحزن عالزهره أمي مو بعدني أمگبعه -- النوب اخويه الحسن چبده شدة السم گطعه

يمسموم يبو محمد -- يمظلوم يبو محمد

--

آنه زينب والمصايب من زغر عمري احملت

شفت طبرة راس ابويه وشيبته امخضبه شفت

النوبه چبد ابن امي هذا أمگطع اگبالي بطشت

اشهالمصيبه اللي عليّه امنين اجتني الفاجعه

يمسموم يبو محمد -- يمظلوم يبو محمد

--

عفيه ظيمي وعفيه صبري أعله الدواهي أمعلمه

گوم يحسين وانظره وشوفه شنهو أيألمه

الحسن ريحانه المحمد هوه روح الفاطمه

ايروح من ايدك وايدي ابغفله مامتوقعه

يمسموم يبو محمد -- يمظلوم يبو محمد

--

ابچي يحسين ودمعتك هلها ويايه جمر

خويه مني ايروح صعبه وعشت وياه هالعمر

ابدال امي الزهره آنه چنت أباريه بالصبر

اشلون گلب أختك يخويه يحمل أمن أتودعه

يمسموم يبو محمد -- يمظلوم يبو محمد

--

تدري يحسين احنه امنه راحت بكسر الضلع

وآنه ونته أشكثر نبچي والحسن نجري الدمع

أمن الزغر يحسين خويه ابفگد أمنه ننفجع

أحنه ظلينه يتامه ماتت أمنه أمروعه

يمسموم يبو محمد -- يمظلوم يبو محمد

--

راحت أمنه أو راح ابونه واحنه ظلينه ابمحن

بين ناس ابلا ظماير بين ناس اهل الفتن

جازوا اتعابه المحمد جدنه سموّه للحسن

وشوف يبن امي چبدته ابها الطشت متبضعه

يمسموم يبو محمد -- يمظلوم يبو محمد

--

التمت الناس اعله بابه وغاص بالناس الدرب

خويه سد الباب نبچي انريد وبحرگة گلب

لايسمعون البواچي الناس غربه من تطب

هذا اخويه الحسن غالي ومايهون اموادعه

يمسموم يبو محمد -- يمظلوم يبو محمد

--

خل يظل بالدار نعشه خويه يحسين اصطبر

بلچي أمنه الزهره تحضر ويه أبونه ننتظر

بلچي لن جدنه محمد ينفض اتراب الگبر

يجي ايغسل الحسن بيده وهوه جدنه ايشيعه

يمسموم يبو محمد -- يمظلوم يبو محمد

--

سيد عدنان الحمامي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لوفاة كريم اهل البيت سلام الله عليه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أحباب الزهراء عليها السلام الثقافي :: ركن الشاعر عدنان الحمامي .. •-
انتقل الى: