.. ؟
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 لغريب طوس الامام علي ابن موسى الرضا سلام الله عليه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الرادود محمد المهناء
المــديــر العَــام .
المــديــر العَــام .
avatar

المساهمات : 124
تاريخ التسجيل : 19/09/2010

مُساهمةموضوع: لغريب طوس الامام علي ابن موسى الرضا سلام الله عليه   الثلاثاء سبتمبر 21, 2010 12:46 am

بطوس الرضا ينعاك -- يوليدي ألله أوياك

يبني الجواد أتروح -- مثلي الچبد مجروح

يوليدي الله اوياك

--

من چبد بالسم تگطع من غريب أمفارگ أبنه

أمن الرضا لأبنه الجواد الرايد ابلهفه يحظنه

والألم من سم دليله بدمعة اعيونه يسكنه

هوه هم مثله غريب ويدري هاي الغربه محنه

ياغربة الاوطان -- شتعذب الانسان

ايظل بس جسد لاروح -- مثلي الچبد مجروح

يوليدي الله اوياك

--

عالرضا قبل الجواد وقبله عالكاظم مصيبه

أتغرّبوا تركوا وطنهم كل محب فارگ حبيبه

مارحم بيهم قدرهم كل چبد يسعر لهيبه

والذي يختم حياته اجنازته تصبح غريبه

الكاظم سجن وقيود -- لهله النعش ميعود

ظل عالجسر مطروح -- مثلي الچبد مجروح

يوليدي الله اوياك

--

امصيبه فوگ أمصيبه مرّت عالهواشم مامثلها

فاطمه المعصومه ظلت بالغرب لايم اهلها

وزينب العاشت مصايب دمعه عالدمعه تهلها

لو رقيه وراس ابوها اتعيش عگبه ما مهلها

لو بالبقيع اگبور -- محرومه حتى النور

أچبود ودمع مسفوح -- مثلي الچبد مجروح

يوليدي الله اوياك

--

ياجواد الامه انته للمراد أكبر وسيله

انته باب الرحمه انته انته للتايه دليله

والطلب منك طلبته اتفرحه اتبّرد غليله

عدنه طلبه ردنه منك شافي ارواح العليله

يالتكرم الوفاد -- منك نريد أمراد

الغيرك ابد منروح -- مثلي الچبد مجروح

يوليدي الله اوياك

--

انتو باب الرحمه ربكم عالبشر انزل رحمته

بيكم الباري رحمنه وتمم اعلينه نعمته

والذي يذرف لجلكم دمعه تشفع له دمعته

شمعه وبگبره تضوي وعينه مسروره بوحشته

انجدد عهد هاليوم -- نخدمكم انظل دوم

والشارك بهل النوح -- مثلي الدمع مسفوح

يوليدي الله اوياك

--

سيد عدنان الحمامي

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لغريب طوس الامام علي ابن موسى الرضا سلام الله عليه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أحباب الزهراء عليها السلام الثقافي :: ركن الشاعر عدنان الحمامي .. •-
انتقل الى: