تجليبه لذكرى تهديم قبور البقيع

على اتراب البقيع الروحي ارهنها

وتوًن وًن الثكاله الماسكن ونها

000000000

على اتراب البقيع وفدوه روحي اتروح

افرشها واخلي اعله اللگبور اتنوح

اچبود اهناك بالسم كل چبد مجروح

ما لمهن گبر بس گاع مدفنها

-000000000000

بس الگاع حتى الگاع مهظومه

على اولاد الزجيه تظل مالومه

ليش امن الزياره الناس محرومه

ودموع العين تهمل من نعاينها

0 00000000

نعاينها بالم لاگبه لازوار

لاعدهم مضيف وتعتني الخطار

شيگول النبي لوشافها المختار

چاوين الوصيه الهادي من سنها

0000000000000000

كتاب الله وعترتي وصه للامه

ليش ابسم گضوا والينهدر دمه

چا هاي الوصيه اگبور متهدمه

وناس الهدمت الله يلعنها

00000000

اچفوف الهدمت ملعونه مذكوره

بكتاب الله الجليل اموضح الصوره

روح انشد انجيله وانشد ازبوره

بساگ العرش هالانوار مسكنها

0000000000000000

يايوم النشوف اگباب مبنيه

ونمشي للبقيع ونگعد ابفيًه

وحاجة كل موالي اهناك مگضيه

وصلات اعله النبي والال نعلنها

000000000000000



سيد عدنان الحمامي