منتدى أحباب الزهراء عليها السلام الثقافي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


.. ؟
 
الرئيسيةأحدث الصورالتسجيلدخول

 

 لوقاة الامام الكاظم سلام الله عليه

اذهب الى الأسفل 
كاتب الموضوعرسالة
الرادود محمد المهناء
المــديــر العَــام .
المــديــر العَــام .
الرادود محمد المهناء


المساهمات : 124
تاريخ التسجيل : 19/09/2010

لوقاة الامام الكاظم سلام الله عليه Empty
مُساهمةموضوع: لوقاة الامام الكاظم سلام الله عليه   لوقاة الامام الكاظم سلام الله عليه Icon_minitimeالثلاثاء سبتمبر 21, 2010 12:59 am

بينه اجروح -- ونه ونوح --- عالكاظم بواچينه

---

يادمع النواضر سيل -- لاتبخل على الكاظم

وياجرح الگلب انزف -- واترك لومة اللايم

هذا ابن النبي المختار -- طاح ابولية الظالم

من سجن السجن بالقيد -- بتراب السجن نايم

ابسجن هارون -- بيه يقسون -- محرورمه الوسن عينه

--

نبچي اعله ال4ضه عمره -- ابطاموره وسجن مظلم

ماغير الهوه ايمر بيه -- ولاينشد عليه مسلم

ابمحراب السجن خاشع -- ساجد راكع ومكظم

غيضه كاظمه ابصبره -- وصبره يرهب المجرم

غاب اسنين -- عن العين -- ابطاموره گضه اسنينه

--

گضه اسنينه ابسجن وقيود -- تحت الارض طاموره

وهارون ابطرب وبكيف -- جواري وخمره بقصوره

منه خاف عالسلطان -- وعالكاظم يصب جوره

راد ايحجبه عن الناس -- راد ايغيّبه النوره

اشكبره الهم -- ابسجن اظلم -- ابصبره ايجاهد الدينه

--

ابصبره ايجاهد الدينه -- وقيده ابساگه شيفصمه

محّد واجهه محّد -- ابسجنه ولا اهل يمه

ماحضروا واجوا شافوه -- من ساگه نزف دمه

چان ايضمد اصوابه -- وعنه خففوا همه

ظيمه اچبير -- أشلون ايصير -- وحده ولا من ايعينه

---

وحده بالسجن وحده -- ومن فوگه المنيه اتحوم

ياهو اللي يخبّر اهله -- ومن طيبه يجوه هاليوم

راد ابنه الرضا ايودعه -- ويشوفه شكثر مهموم

الكاظم يدري بس هالليل -- وباچر بالسجن مسموم

عگب صبره -- ختم عمره -- وين ابنه الرضا وينه

--

وين ابنه الرضا ايحضره -- وللكاظم يجي ايودعه

وقيد القيّد الكاظم -- من ايده الرضا اينزعه

وبيده ايغمض اعيونه -- ولمصابه يهل دمعه

ايغسله ايچفنه وينعاه -- ويحمل نعشه ويشيعه

يجي ينعاه -- واحنه اوياه -- ويظل الحزن بينه

--

-- سيد عدنان الحمامي

--
الرجوع الى أعلى الصفحة اذهب الى الأسفل
 
لوقاة الامام الكاظم سلام الله عليه
الرجوع الى أعلى الصفحة 
صفحة 1 من اصل 1
 مواضيع مماثلة
-
» وفاة الامام الكاظم سلام الله عليه
» قصيده للوفاة الامام الكاظم سلام الله عليه
» الوزن تجليبه للوفاة الامام الكاظم سلام الله عليه
» لوفاة الامام الصادق سلام الله عليه
» قصيده للوفاة الامام الصاذق سلام الله عليه

صلاحيات هذا المنتدى:لاتستطيع الرد على المواضيع في هذا المنتدى
منتدى أحباب الزهراء عليها السلام الثقافي :: ركن الشاعر عدنان الحمامي .. •-
انتقل الى: