.. ؟
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 لوفاة الامام فاطمه الزهراء سيدة الوجود سلام الله عليها

اذهب الى الأسفل 
كاتب الموضوعرسالة
الرادود محمد المهناء
المــديــر العَــام .
المــديــر العَــام .
avatar

المساهمات : 124
تاريخ التسجيل : 19/09/2010

مُساهمةموضوع: لوفاة الامام فاطمه الزهراء سيدة الوجود سلام الله عليها   الثلاثاء سبتمبر 21, 2010 1:02 am

بين الحزن والهم -- خلصّت أيامي

يابويه شحچيلك -- من كثرة آلامي

ذبلن يبويه أمن البچي اعيوني --- كسروا ضلع من صدري هظموني

----

جيت بجروح اليالي البيها بويه من عفتني

جيت والدمعه اعله خدي أبد لا مافارگتني

شده لوراحت تجيني أشد من ذيچ الاجتني

ابصدري ألم ماينجرع -- يابويه ايدك عالضلع

وأمسح أمن اعيوني الدمع -- أمن البواچي ألمتني

انشدني گلي اشبيچ -- وأحچي هظم چبدي

بويه بعد للدار -- داسوا اجوا حدي

من لذت بويه أبابي عصروني -- كسروا ضلع من صدري هظموني

----

يارسول الله ابوجودك چنت اتباها ابدلالي

بضعه منك ونته يمي رغد بعيوني اليالي

ما بچت فد يوم عيني ولاحزن مرّا عله بالي

ابحظنك يبويه أمنعمه -- وأعله الدلال أمعلمه

عندك عزيزه فاطمه -- وعاين اليوم اعله حالي


عاين الوجهي وشوف -- صفرة ألم بيّه

يابويه بعد الصار -- والاصعب أعليه

حتى البواچي اعليك حرموني -- كسروا ضلع من صدري هظموني

---

بويه دار أحزان عندي عگبك وانصب مناحه

لو أجه اليل ابدمعها العين تتنطر صباحه

ماشفت لحظه هنيه ولاشفت فد يوم راحه

ينگضي يومي بهل الوضع -- يابويه والفني الدمع

وحسرات تچوي بالضلع -- والگلب اتنزف أجراحه

حيل الگلب مابيه -- وشيحمل أهمومه

ظيم وبچي وأحزان -- من مثلي مظلومه

حگي يبويه حگي سلبوني -- كسروا ضلع من صدري هظموني

--

بويه شحچيلك مآسي من غفت عينك عليّه

أوديعتك من ودعتني لأمتك وصيت بيّه

چانوا ايشوفون بويه أشفافك أتقبل أديه

أتگلهم الزهره بضعتي -- بيها احفضوا أوضيتي

تاليها سلبوا نحلتي -- المنك الچانت هديه

دار الوحي داسوه -- ما هابوا اعتابه

ماخافوا الرحمن -- من حرگوا البابه

بالحقد عگبك بويه جازوني -- كسروا ضلع من صدري هظموني

----

بويه ظل الحسن بويه وزينب أويه حسين بالهم

شافوا الضلع التكسر والصدر من ينزف الدم

ياهو يرعاهم يبويه أزغار ونته بهاي تعلم

ماترحم أقدار الزمن -- يابويه ضلوا للمحن

زينب والحسين وحسن -- اعليهم الشمات تلتم

أزغار وغبت عنهم -- ياهوا اليباريهم

ملهوفه عيني اتظل -- وبحسرتي اعليهم

ارياحين منهم بويه حرموني -- كسروا ضلع من صدري هظموني

---

سيد عدنان الحمامي






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
لوفاة الامام فاطمه الزهراء سيدة الوجود سلام الله عليها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أحباب الزهراء عليها السلام الثقافي :: ركن الشاعر عدنان الحمامي .. •-
انتقل الى: