يمه فاطمه اتلگي علي اتلگيه
وبعينچ الراسه المنطبر شوفيه
---------------------
يمه فاطمه اتلگي علي يمه
اجاچ وشيبته متخضبه ابدمه
لتعيفيه ظلي گاعده يمه
بحظنچ خلي راسه وللجرح شديه
----------------------
شدي راسه بيدچ جرحه مايلتم
ومسحي شيبته يايمه من الدم
لاينزف ابهيده وخاف يتالم
عن ألامه يمه فاطمه نشديه
---------------------------
نشديه عن طبرته وعن هظم چبده
ايسولفلچ مصايب شافهن عده
شعملت امته چي شافته وحده
من جدي مشه ومن يوم ودعتيه
-----------------------------
من عفتيه ورحتي ابظلعچ المكسور
واصبحنه يتامه او بألمأسي اندور
صار الكل يتيم امن الفقر ناطور
يُمه الزاد بيده ليهم ايوديه
-----------
يودي الزاد للجايع ابكل امچان
ماظل لافقير ولابقه جوعان
حتى اثياب ياخذ يچسي للعريان
لافد يوم للمسكين مًر ناسيه
---------------------
ماينسه الرعيه دوم يفگدها
واذا شاف اليتيمه ايصير والدها
شمحتاجه يجي كل يوم ينشدها
بويه اتصيحله ياعلي امن اتلا گيه
-----------------------
بويه اتصيحله لوشافته ايتيمه
وكل ايتيم ابويه ايصير اله خيمه
اهظيمه ايعيفهم يافاطمه اهظيمه
يالوالي التيم الوالدي ايناديه
-----------------------
ياما لليتامه شكثر باراهم
يشعرون بحنانه دوم خلاهم
والليله اظن لايتامه ينساهم
للمسكين عگبه ياهو اليباريه
--------------------
ياهو اللي يباريه اويبارينه
صرنه ايتام وياهم عگب عينه
علي بويه حيل افراگ مابينه
عمري اوياك اخذه بويه لتخليه
-----------------
اللهم ارزقنا شفاعة امير المكؤمنين علي بن ابي طالب عليه السلام
يالله يالله يالله
سيد عدنان الحمامي