منتدى أحباب الزهراء عليها السلام الثقافي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


.. ؟
 
الرئيسيةأحدث الصورالتسجيلدخول

 

 توديع بين الحسين وامه فاطمه الزهراء سلام الله عليهما

اذهب الى الأسفل 
كاتب الموضوعرسالة
الرادود محمد المهناء
المــديــر العَــام .
المــديــر العَــام .
الرادود محمد المهناء


المساهمات : 124
تاريخ التسجيل : 19/09/2010

توديع بين الحسين وامه فاطمه الزهراء سلام الله عليهما Empty
مُساهمةموضوع: توديع بين الحسين وامه فاطمه الزهراء سلام الله عليهما   توديع بين الحسين وامه فاطمه الزهراء سلام الله عليهما Icon_minitimeالثلاثاء سبتمبر 21, 2010 1:37 am

--


تودعني تودعني -- آنه امك تودعني


حسين اتوادع اويه امه -- يسمع فاطمه اتكلمه


تودعني تودعني


--


حسين ودمعه يتهامل -- للزهره يودعها


يسمع من لحدها الصوت -- تبچي ابحرگه يسمعها


هذا اوداع وين اتريد -- لمك ليش تفجعها


مو تدري الصدر مجروح -- والبسمار روعّها


وين اتريد وين اتريد -- يبني حسين وين اتريد


ضلعي يبني لتلچلمه -- يسمع فاطمه اتكلمه


تودعني تودعني


--


گاللها بحزن گلبه -- ويتلاهب دليله ابنار


يمّه عنچ امسافر -- هليله اصبحت خطار


وباچر احدي بضعوني -- ولا واحد يظل بالدار


عندي بس عليله اتظل -- ماتحمل سفر وأخطار


تبچيني تبچيني -- اعاينها تبچيني


كثرت للگلب همه -- يسمع فاطمه اتكلمه


تودعني تودعني


---


سمع من اللحد فد صوت -- صوت اختنگ بالعبره


ونتها ابضلع مكسور -- بألمها أتكلمه الزهره


يحسين المسير اطويل -- يبني ورحلتك خطره


وعني لو خذت ولياك -- گبر أمك منو ايحضره


لاترحل لاترحل -- يبني حسين لاترحل


گبري من يجي يمه -- يسمع فاطمه اتكلمه


تودعني تودعني


--


جاوبها ييمه الدين -- حرفوا كل معانيه


وعالذل مابعد اصبر -- ولا ارضه بعبوديه


ابدمي ارد اضحيله -- ولآخر نفس بيّه


حتى لو عدوي ايجور -- تذبحني مواضيه


اجاهدله اجاهدله -- ديني كون اجاهدله


وتراب الگبر شمه -- يسمع فاطمه اتكلمه


تودعني تودعني


--


ظل ايسولف او تسمع -- ويسمع من گبرها اونين


گالتله يرحانه -- المحمد يبني ورياحين


ولمك يبني چنت الروح -- ومهجتها وضواها العين


وحدك عالسفر ناوي -- لو كل الاهل ماشين


شبانك شبانك -- تظعن كلها شبانك


مو صدري نزف دمه -- يسمع فاطمه اتكلمه


تودعني تودعني


--


يُمه فاطمه الشبان -- واخوتي كلهم الطيبين


بحزام الوفه وياي -- يمه ابغيره متحزمين


عباس وثلاث ابطال -- ابسوح الموت معروفين


وحتى البلمهد يرضع -- ايجاهد رايد الهل الدين


رايدهم رايدهم -- يمّه المجد رايدهم


قربان الدمه انقدمه -- يسمع فاطمه اتكلمه


تودعني تودعني


--


نشدت يبني اختك وين -- زينب خل اكلمها


اودعها وتودعني -- عزيزة فاطمه امها


لختك من يباريها -- ابها المسره ويلازمها


ماريد الدهر يحسين -- منك يبني يحرمها


ترعاها ترعاها -- لختك يبني ترعاها


وعمرك ربي اليسلمه -- يسمع فاطمه اتكلمه


تودعني تودعني


--


سيد عدنان الحمامي

الرجوع الى أعلى الصفحة اذهب الى الأسفل
 
توديع بين الحسين وامه فاطمه الزهراء سلام الله عليهما
الرجوع الى أعلى الصفحة 
صفحة 1 من اصل 1
 مواضيع مماثلة
-
» لوفاة الامام فاطمه الزهراء سيدة الوجود سلام الله عليها
» حوار مابين زينب والعباس سلام الله عليهما
» بحر الطويل وفاة الامام علي بن الحسين سلام الله عليهما
» للعليله فاطمه بنت الامام الحسين سلام الله عليه
» قصيده للوفاة فاطمه الزهراء

صلاحيات هذا المنتدى:لاتستطيع الرد على المواضيع في هذا المنتدى
منتدى أحباب الزهراء عليها السلام الثقافي :: ركن الشاعر عدنان الحمامي .. •-
انتقل الى: