خويه حسين انشد ياگبر ضمك
يبن امي عزيز ورايده اشتمك
------------------
يحسين الاخو للاخت گرت عين
وانه ابعازتك ظليت خويه حسين
انشد عالگبر يبن امي صاير وين
عفتك من مشيت امغسل ابدمك
-----------------------
ابدمك عفتك او لليسر بحزاني
وتعبني البچي وما شوف خلاني
وين انته يخويه او وين ولياني
بس اگبور اشاهد يا عزيز امك
---------------------
يمك رايده وعن حالي تنشدني
وبعينك يبعد اعيوني شاهدني
امشيت اشلون خويه وشنهو اليردني
اريد اگعد واسولف هضمتي يمك
-------------------------
يمك اگعد ايسولف الك نوحي
يحسين وعليكم تنزف اجروحي
فارگتك عساني فارگت روحي
وريت اللحد ضمني گبل ميضمك
------------------------
ميظمك يظمني اللحد من دونك
فدوه انروحلك بس سالمه اعيونك
يحسين اليتامه اوياي يردونك
إ سمعها يخويه تلهج باسمك
----------------
بسمك تلهج الايتام يبن امي
وتنحب عالطفل ام الطفل يمي
وحده اتصيح بويه او وحده ياعمي
شلون وحالهن ياخويه ميهمك
-------------
اللهم اسالك يامن يملك الحاجات وهيه مستجيبه لمشيئته
ومسرعه الى ارادته ان تصلي على محمد وال محمد
وتهب لي من عندك رحمة
خادم الزهراء سيد عدنان الحمامي