خطر هاليله احس يلفيني
مابعد يحسين تغمض عيني
-----------------
اجت يم حسين زينب وشأجت
خفت دمعتها اعلها اخوها من بچت
ها يروح الزهره وياه من حجت
خويه يمك اگعد اتخليني
---------------------------
ردي جاوبها الحسين الخيمتچ
وخلي مسروره بخوتچ مهجتچ
رغد ناميها يزينب ليلتچ
هذا هم البيچ مو ياذيني
-------------------------
شلون يغمض جفن ياعين التنام
بهاي لحظات الرهيبه امن الظلام
اتوجهت لحسين زينب بالكلام
بينك انسولف يخويه وبيني
-------------------------
خويه جن اليل لاجن من عساه
ولا جزه هاليوم والفانه مساه
ابجنحه چم امصاب عن اختك خفاه
خاف لو صار الصبح يسبيني
---------------------------
خويه هذا اليل لوطرله فجر
چم مصيبه الزينب اختك تنتظر
مدري باچر ما يظل النه خدر
وعگب عينك ها العده اتبچيني
--------------------------
اد ري تعلم باجر اعلينه اشيصير
وتظل وحدك لا معين او لانصير
وعلى اخيامك خويه عدوانك تغير
بالوصيه العندك اتوصيني
------------------------
گعدي يازينب يروحي ومهجتي
خل اسولفلچ واحفظي اوصيتي
باچر امثلث يگطع مهجتي
ابسهم رماي النبل يرميني
-----------------------------
سهم يختي امثلث ايگطع الگلب
ينفذ الخرزات ظهري امن انضرب
امن المهر اوگع وخدي اعله الترب
وطعن برماح العده توليني
-----------------------------
وبعد يختي ساعة اللى انصرع
امن الگفه راسي يزينب ينگطع
تجي الخيل اتكسر شعندي ضلع
ابليه راس اعله الثره اتشوفيني
------------------
الدعاء لمن لايملك الا الدعاء
سيد عدنان الحمامي
آخر تعديل عدنان الحمامي يوم 18-07-07 في 12:46 PM