دوم اوياه------------ ماننساه ----------حب حسين بالشريان
--------------------------------
حبنه مامثيله حب ----واحنه الهل الحبيب انذوب
حب حسين بالشريان------يسري ايغذي حبه اكلوب
حبينه بصدق واخلاص-----حبينه اعز محبوب
والاخر نفس وياه------بالدم هالعهد مكتوب
يبقه حسين ---------وسط العين -------------اجمل صوره للايمان
---------------------------------------------
يحسين الكلب واحد -------ابدا مايصح لثنين
ونته بالكلب ساكن ------بغيرك مارضه يحسين
انته ها الهوه والماي----النه وهالضوه للعين
من عندك تعلمنه ------درس التضحيه يحسين
بعزم صبرك ---------- بدمه نحرك -------------للثائر صرت عنوان
-------------------------------------
يحسين اليحب يسخي -------ولايبخل يضل ايجود
واحنه نرخص الغالي-------- نبذل لك اعز مجهود
بالمال وبنين ودم ---------اعلينه يشهد المعبود
ماتمنه يبو السجاد --------لمصابك تضل اشهود
يوالينه ---------جرح بينه ------------اعليك وكل محب حزنان
------------------------------------
يحسين ابما تمنه ------ نخدم كل وكت كل عام
وجرح امصابك الهليوم ------ينزف بينه ما يلتام
انته منهج الهل الدين ------انته كل شرع واحكام
وانته مشعل الايمان-----يبقه ايضوي للاسلام
للمضلوم ------- اسمك دوم-------- شعاره ايصير عالطغيان
------------------------------------
يحسين الدمع من دم --------لومر اسمك وطاريك
واحنه بهل الخدامه هاي ------اشنبذل بيمن انجازيك
امك فاطمه الزهره -------- وريحانه النبي امسميك
وجبرائيل هز مهدك ------يتباها بخدمته ليك
الك خدام ------وبكل عام -----------دمنه انقدمه قربان
-----------------------------------
نبقه عالعهد يحسين------ابخدمتك هالعزم بينه
واحنه امن الزغر خدام -----عله الخدمه تربينه
وبدرب الخدامه هاي------رغم اخطارها امشينه
قرابين اشكثر لجلك ------اشكثر شبان ضحينه
يضل رسمك ----------يضل اسمك ----------يلهج بيه كل السان
=======================
الدعاء
لمن لايملك غير الداعاء
يلتمسه منكم رحمكم الله
سيد عدنان الحمامي