-------------
بالموت احس وگبل متودعوني ------ عباس ردته اللى يغمض اعيوني
اخته واريده يمي ------ يحضرني بمچان امي
عباس ردته اللي يغمض اعيوني
-----------------------------------------------
عله افراش الموت زينب والمنيه دنت يمها
عينها ما غمضتها اتموت بالغربه بالمها
رادة العباس يحضر اتودعه بمچان امها
ابياحال زينب تحتضر ------- تلهج يعباس البدر
لختك تجي لاتعتذر -------- ابين ذرعانك تظمها
بيدك يبو فاضل تنگطلي الماي ------ ابحضنك اتخلي راسي وتسد عيناي
وين الحرس لخيمي ------- يحضرني بمچان امي
-----------------------------------------
وينه عباس اخته انه شعجب ماينشد علييه
اسنين بالغربه اكابد حرمه والاحزان بيه
اليوم محتاجه وجوده وانه بفراش المنيه
شتجرعت ظيم والم ------ شحملت چم رمية سهم
بحال اخته مظن ماعلم ---- اتنازع بهاي المسيه
عباس لختك گوم رد اچفوفك ---- والعين ماتغمض تريد اتشوفك
ايخفف عليه همي ---- يحضرني بمچان امي
----------------------------------------
گوم من لحدك يخويه واعلم اچفوفك گطيعه
وادري بالعين الرماها السهم بالرميه الفظيعه
وشيلها ابزندك الرايه عالنهر لتظل صريعه
للشام طب ابهمتك --- يبن الابواترف رايتك
انشد على اختك غايتك ----- عندك الچنت وديعه
من توصل اختك شوف خويه اشبيها --- بس الجسد لا روح ظلت بيها
محترگ بالهم دمي ------ يحضرني بمچان امي
-----------------------------------------------
بس جسد ظليت خويه وروحي چنها اتفيض مني
اليوم اودع عمري هذا ولا بعد ينسمع وني
خلًصت ايامي انحب والحزن مامامال عني
من فگد امي فاطمه ----- ومصاب حماي الحمه
ورماد بالطف اودمه ----- والرزايا الروعني
والاشد راسك عالرمح يبرالي ----- وراس الحسين اللي هدم امالي
خل يجي ايشاهد هظمي ----- يحضرني بمچان امي
---------------------------------------------
بالله ياهو المثلي شافت بالله ياهو المثل حالي
انه شفت اعزاز گلبي اتذبحوا كلهم اگبالي
اعزيزة العباس انه اولانظر واحد خيالي
للشام اجيت اميسره ---- وعفت الجثث فوگ الثره
وجثة حسين اموذره ----- والصور لساه ابالي
واليوم اريدن اخوتي ايحضروني ----- لومتت غربه ليش اليشيعوني
اولا والدي ولاعمي ------ يحضرني بمچان امي
-------------------------------------------
ليش اموت ابدار غربه وناس غربه ايشيعوني
وينها حزمة الاخوه ابلحدي همه اينزلوني
ا شعجب ما گا لوا اختنه هاي اظن كلهم نسوني
عباس ماينسه ابد ---- عباس وفاي الوعد
چاوينه ما يوصل بعد ---- وشابحه الجيته اعيوني
غمضيها عينچ ما يجيچ العباس
عفتيه يزينب لاچفوف او لا راس
وديعة العباس اسمي ----- يحضرني بمچان امي
------------------------------------------------
ايست للموت سلمت روحها زينب ابهمها
ولا اجه العباس تالي ولا اجت فاطمه امها
عيونها ماغمضتها اتموت بالغربه بالمها
ابلحظات المنازع تون
دمعتها يبست بالجفن
خلصت امن الهم والحزن
ودعت زينب عمرها والحزن اخذته اويا ها
-------------------------------------------------
اللهم اقضي حوائجنا بحق عقيلة الطالبيبن زينب ع
الشاعر الحسيني سيد عدنان الحمامي
موضوع: الوزن شيعتي --- گعده 
الإثنين سبتمبر 20, 2010 2:13 am