المستهل
----------
يابويه حسين ارحم حالي -- وياك ابضعنك يالوالي
وبممشاكم -- بويه اوياكم
------------
عليله ومالي صبر افراگ يالطيبين
طفله والعمر تدرون خمس اسنين
يهلي اعله السفر وين ابسفركم وين
تنشدني شگلها لو مشيتوا العين
راحوا ميعودون احبابي -- ماسمعوا من عندي اعتابي
ما انساكم -- بويه اوياكم
-------------------------
عيني اتظل صوركم يالاهل بيها
بيمن لو ضعنكم راح اسليها
ليل انهار يهلي كون ابچيها
ودمعتها تواسيني واواسيها
تتنطلر من عدكم جيه -- وعالباب اتظل عيني اربيه
واتلگاكم -- بويه اوياكم
---------------
تظل عالباب عيني تنتظر جيه
بلچن طارش امن اهلي يرد ليه
وهذا الدار موحش وانطفه ضيه
اسمع كل ركن يبچي اعله راعيه
لوخطار ودگوا بابه -- وحزنانه ايشوفون اعتابه
وين الگاكم -- بويه اوياكم
--------------------
وين الگه اخو ايباريني واتصًبر
ويمي مايظل حتى علي الاكبر
وعبدالله بعد ماشوفه ما اگدر
ومابين المرض واحزاني اتحير
بألامي ودمعات اعيوني -- اشلون الكم يهلي اتعيفوني
اترجاكم -- بويه اوياكم
----------------
بويه حسين منكم من يظل يمي
انته اتروح اخوتي اوياك حتى امي
عليله لوشطت مو يحترگ دمي
حزني اچبير بويه وشكبر همي
اشكبره الهم والظيم البيه -- ميهون افراگ اهلي اعليه
كون انعاكم -- بويه اوياكم
-------------------
ودعوني ومشوا واگبعت بمصابي
ملهوفة گلب ومناطره احبابي
وسط الدار بلچن من يدگ بابي
ايعودون ابسلامه ريت غيابي
مارحموا ضعفي ولاحالي -- وياهم اخذوا امالي
هم يرضاكم -- بويه اوياكم
-------
سيد عدنان الحمامي
موضوع: النص وزن تجليبه 
الإثنين سبتمبر 20, 2010 2:22 am