------------
قيد القيد السجاد ---- روع موسى بن جعفر
وهظم الشافته روحه ---- بطوامر السجن بي مر
----------------------------
امس طف كربله يشهد ----- محنة جدك الشجاد
كل ذاك الهظم والضيم ---- عليل ابسلسله ينگاد
ونته اتروعت روحك ----- بالبصره وسجن بغداد
متغرب عن الاوطان
بسجون وقسوة السجان
اولا من هاشم وعدنان
عن حالك نشد ويشوف ------ بياطاموره تتمرمر
------------------------------------
تتمرمر وجمر البيك ------ مثل جمر اليسر بالشام
يچوي بگلب ابو الباقر ------ من حر السلسله انظام
ردت هالسلاسل ليك ------ ظلام اخلفت ظلام
اهناك امگطعات انحور
اهنانه امن القساوه ابحور
اهناك الجار رد ايجور
وصب النايبات اعليك ------ وگلبك منها يتفطر
-----------------------------------
ابگلبك يا ابو ابراهيم ----- لوعات شكثر وونين
ولا ليل ا ليمر اعليك ------- يلفاها الوسن للعين
ابمحراب السجن خاشع ----- من عمرك گضيت اسنين
تتعبد ابليل انهار
دمعك مانشف مدرار
تبچي خشيه للجبار
وغيظك كاظمه بگلبك ------- وعالنايبه تتصبر
----------------------------------
تتصبر مثل جدك ------- علي السجاد والامه
ابياعين المصيبه ايشوف ---- ذبح حسين جدامه
وشاف اچفوف ابو فاضل ----- عمه وطبرت الهامه
والاكبر هوه بدره
وتمدد جاسم ابكتره
وعبد الله وسهم نحره
وعمته زينب ايشاهد ------- ابمتنها السوط يتكسر
----------------------------------
نظر نار الخيم تلهب ---- مثل ما تلتهب نارك
وبالغربه يبن جعفر ------ طوامير السجن دارك
لا نور اليطب اعليك ----- وحشه وضاعت اخبارك
عدو اللي عذبه الجدك
مدري شراد من عندك
يبن جعفر گصه ضدك
چي لن راهب اهل البيت ------ وبچتلك امر صدر
-------------------------------------
صدر امر چتالك ------ بعد ماشاف صبر البيك
راد ايگوض ابتاجه ----- وهالتاج اليلوگ اعليك
انته امن النبي وارث ------ وامر الامه يرجع ليك
ومنك خاف عالسلطان
وتاجه ايطيح والطغيان
اوعز امر للسجان
بالسم راد يطفي النور ----- خاب او نورك اليزهر
----------------------------------------
نور وظاهر الهل اليوم ------- گاضي الحاجه عنوانه
وين الخصم وقصوره ------ او وين امرصعه تيجانه
وين الترف والحشمه ------ وانشد وين غلمانه
والكاظم يشع انوار
مضيفه عامر ابخطار
وتشهد كثرة الزوار
من كل قطر تتعنه ------- بعطر انواره تتعطر
-----------------------------------------
اللهم انا نتوسل اليك بومسى بن جعفر عليه السلام
ان ترد كل غريب الا وطنه سالم وغانم وتحرسه بعينك التي لاتنام
سيد عدنان الحمامي
موضوع: بحر الطويل وفاة الامام علي بن الحسين سلام الله عليهما 
الثلاثاء سبتمبر 21, 2010 12:33 am