----
رد للغاضريه -- ظعن الفاطميه
--------
اعيوني امن الحزن للنوم عادن
چم ليله ونهار ابظيم عادن
يحسين الارامل ليك عادن
يم گبرك عزاهن هالمسيه
------------
يون ظعن اليتامه شلون وانه
وحريم حسين تجري الدمع وانه
عفت عباس يم النهر وانه
اقَبل رايده اچفوفه السخيه
---------------
ظعنه الشمر للشمات يمره
نهل الدمع يچوي الدمع يمره
مثل اختك يخويه حسين يمره
ابراسك والظعن ردت سويه
------------
حرم واطفال وسط الحزن هاجيت
والام المصايب بيه هاجيت
عتب عندي يبو فاضل هاجيت
اخبرك ياهظم ياظيم بيه
----------
غزاهن قهر من القهر شابين
وجمرات النوايب نار شابين
يدورَن بالطفوف اگبور شابين
علي الاكبر وجاسم طفوا ضيه
-------
يدمعي النار بين احشاء طفلي
وعلى اگبور الاهل ياگلب طفلي
رباب اتصيح وين اندفن طفلي
رضيعي ويصعب افراگه عليه
------------
وگع صبري يگلبي انگطع يابت
وياهوالمثل اخوتي بطن يابت
تشوف اخوه ذبايح مثلي يابت
وآنه بعيني شفتهم عالوطيه
-----------
-------