سؤال للعباس ع

اريد اگصد لبو فاظل محب وحسرته ابگلبه

ولا اتدافع اويه الناس ابضريحه الجايه اتندبه

ولا اطلب مثلهم جاي كلمن معتني ابطلبه

ولا اصيرن مثل مهموم عنده اعتاب ويعتبه

ولا اقره الزياره اولا اصلي وساعه عالتربه

اريدن يم اخو زينب اطبن زحف للعتبه

وابچيله دمع من دم ودمعي ايجرحه الهدبه

واصيح ابصوت ياعباس نهر العلگمي اتطبه

وبيدك جود والرايه اركزتها حيل وبگلبه

وشلت الماي وبچفك عذب من چفك اتذبه

والسكينه يعم سكنه ترست الماي بالگربه

لجل هذا اجيت انشد ومنه ارويحتي امعذبه

ليش الماي بچفوفك تشيله وتالي متشربه

----------------------


سيد عدنان الحمامي