--
يالكاظم دمعتك خلها هماله
اتلگاه للجواد وعاين الحاله
--
يالكاظم أدموعك خل تهل اليوم
وبحرگة گلب عاللي گضه مسموم
والبس للحزن سدوه لمصابه اهدوم
وأگعد لوردت يالكاظم اگباله
--
اگباله تگعد ونشده شنو الاسباب
وبعينك تشاهد چبده بالسم ذاب
ماتنفع ملامه ولايفيد اعتاب
سم النال چبدك چبده هم ناله
---
اتلگاه للجواد وياهظم عنده
ابكظم الغيظ اجاك ومنگطع چبده
شوف الياسبب والياجرم عنده
بالسم هالخصم ياوسفه يغتاله
--
يغتاله عليمن سولف انته أوياه
هم مثلك قساوه راوته دنياه
مثل ماتنغدر هذا الغدر يدناه
يالكاظم ومثلك غيبوا اهلاله
--
اهلاله غاب وانصب للحزن مأتم
يالكاظم ومنكم ياچبد يسلم
لو بالسيف لو بالينغدر بالسم
لو من الذبح ماتسلم اطفاله
--
ابهذا الحال واحدكم بعد واحد
بني أميه وظلمهم للوكت شاهد
الجرايمهم كلمن يطّلع رايد
ينشد كربله اعله حسين وعياله
--
ورثوها البني العباس اعاديكم
أخذوا من بني أميه الظلم ليكم
كلها اتجمعت بحقادها اعليكم
ومنهم للجواد اليوم چتاله
--
سموه للجواد ومن گبل سموك
يالكاظم وچم عام ابسجن خلوك
بالسم غدرته هالوادم الغدروك
ودلالك تفطر مثل دلاله
--
سيد عدنان الحمامي
موضوع: قصيده للوفاة الامام الكاظم سلام الله عليه 
الإثنين سبتمبر 20, 2010 11:01 am