ام البنين اوياك --- انخاها بكل دعواك
-----------------
يالعندك اهموم وصبر ماعندك
يالعايش ابغربة وطن وبوحدك
لأم عباس البطل تمدها اليدك
خايب ابد وعيونها متردك
والله اتسر عيناك --- انخاها ابكل دعواك
--------------------
انخاها يالتشكي العلل والاسقام
لوبيك جرح امن الزمن مايلتام
لوردت ماتشعر بعد بالا لام
لم البنين انخاها اتحقق احلام
اتفرجلك هم دنياك --- انخاها بكل دعواك
-------------
مابينه من هاي المصاعب خالي
ياهواللي فاگدله عزيز او غالي
ياهوالذي امضيع اخو لووالي
ياهو الذي ابضنك وعسر للتالي
ابكل شده ماتنساك --- انخاها بكل دعواك
----------------
ام البنين ام الوفه ايعرفوها
باب الحوايج للشدد وصوفوها
منها البراهين شكثر شافوها
انخوها للحُره بطلب انخوها
الطلبه اتحطها ابيمناك --- انخاها بكل دعواك
--------------------
ام البنين الله الذي امأيدها
مهيوبه ومجربه الكرامه العدها
بالعين چم شاره الذي انشاهدها
بس اطلب اتحصل الطلب من عدها
اتخلصك من بلواك --- انخاها بكل دعواك
------------
اللهم اقضي حوائجنا بحق ام البنين ع كلنا اصحاب حوائج يالله
سيد عدنان الحمامي