يحسين العمر يحسين راح اوياك --- شلون اتريدني عگبك اظل وانساك
----------------------------
يادمع النواظر سيل عالخدين --- وداوي اجروح گلبي اعله العزيز حسين
والراح ا من اديه امنين اجيبه امنين --- من ايدي رحت يبن امي وين الگاك
-------------------------
الگاك بوسط روحي بوسط چبدي ---- عزيز واعز منك تدري ماعندي
ما انساك يبن امي وحگ جدي --- علمني الصبر واصبر على فرگاك
-----------------------------
اشلون انساك وانه شكثر باريتك --- عزيز امي يخويه حسين ناديتك
ميته ولا صرت من يوم خليتك --- على التربان خويه منذبح بظماك
--------------------
بظماك وسهم چبدك واعاين ليك --- اختك وبظلع امي قسمت اعليك
تنهض ردت خويه وحيل ماظل بيك --- لعيالك والمخيم تصد عيناك
-----------------------------
كلمن گال اصبر لا بعد عينك --- ولا لحظه اتمر يحسين ناسينك
وسفه اعله الفراگ البينه وبينك --- فرقتنه يخويه ابلا رحم دنياك
------------------------------
ياعبرة اعيوني الماصفت لاليل --- من همي وحزني الي يهد الحيل
مايطفي الجمر من العيون اتسيل --- واتصور يخويه حالتي ابلياك
--------------------------------
نسالكم الدعاء
الشاعر الحسيني سيد عدنان الحمامي